Un total de 14 profesionais de enfermaría deron positivo nas probas PCR que lles foron realizadas. Eses traballadores pertencen á sétima planta do hospital Arquitecto Marcide, que está dedicada integramente aos pacientes con covid-19. Os casos fóronse sumando a través do rastrexo e a investigación do gromo. Segundo as autoridades sanitarias, todos os profesionais que deron positivo están cumprindo corentena e foron substituídos para que a planta continúe a traballar con normalidade. Segundo os últimos datos do Sergas, no Arquitecto Marcide hai 47 doentes con coronavirus hospitalizados en planta e 11 na unidade de coidados intensivos.