As Festas de San Xoán en Carballo estenderanse este ano dende o venres 21 (pregón) ata o domingo 30 (Festa do Bosque), concorrendo así en dúas fins de semana consecutivas. O motivo deste cambio é a coincidencia dos días grandes (24 e 25 de xuño) en luns e martes.
A semana grande durará 10 días, deixando os pratos fortes para fines de semana e festivos. Os días 22, 24, 25 e 28 estarán ligados á verbena, e o sábado 29 celebrarase o Rockin’ Carballo.
Este ano o festival máis rockeiro reunirá a Vancouvers, Miqui Puig, Los Chicos, Terrier, Thee Blind Crows, Elvis Negro, Playa Desmayo, Cloaca e, como é habitual, Antón DJ para a fin de festa. Os asistentes poderán presenciar as evolucións das bandas do cartel nos dous escenarios dos que constará o evento: desde as 13:00 horas no Escenario Palmeira con sesión vermú a cargo de Miqui Puig, Praia Desmaio e Elvis Negro; e a partir das 19.30 no Rego da Balsa cos concertos de Vancouvers, Los Chicos, Terrier, Thee Blind Crows, Cloaca e pechando a noite Antón DJ. Como sempre, a entrada para os concertos é gratuíta.
A Asociación Cultural San Xoán leva meses traballando na elaboración do programa, que, como é habitual, incluirá actividades para todos os gustos: verbenas, concertos, concursos, animación de rúa e espectáculos de todo tipo.