O aeroporto de Palma de Mallorca cancelou este venres as súas operacións aéreas porque unha vintena de pasaxeiros dun voo entre Marrocos e Turquía escapáronse do avión, despois de que tivese que aterrar de urxencia pola indisposición dunha persoa. Os pasaxeiros decidiron abandonar o avión cando a ambulancia chegou ata onde se atopaba o aparello, a pé de pista, para trasladar ao enfermo a un hospital.
Como os viaxantes fuxidos se dispersaron pola zona das pistas, a dirección do aeroporto, por seguridade, viuse obrigada a desviar os voos que tiñan que aterrar na capital balear e atrasar as saídas ata que a Garda Civil, encargada do dispositivo de seguridade, dea con todos os pasaxeiros fuxidos.
A situación levou a desviar varios avións que tiñan previsto tomar terra en Palma e foron desviados aos aeroportos próximos, como Eivissa e Menorca. Segundo informou AENA, o incidente afectou a 20 voos.