Duascentas persoas participan esta semana nas VIII Xornadas Nacionais de Investigación en Ciberseguridade (JNIC) que se celebran en Vigo desde este mércores 21 ata o 23 de xuño. O evento é a principal referencia en expoñer os avances, o coñecemento e innovación de ciberseguridade a nivel nacional, e recala por primeira vez en Galicia, tras o seu paso en edicións anteriores por León, Granada, Madrid, San Sebastián, Cáceres, edición online durante a pandemia, e Bilbao. As xornadas están organizadas polo centro tecnolóxico Gradiant e o Centro de Investigación en Tecnoloxías de Telecomunicación da Universidade de Vigo, atlanTTic. A iniciativa conta coa colaboración do Instituto Nacional de Ciberseguridade de España (INCIBE).
Na inauguración, que tivo lugar na mañá deste mércores no auditorio de Afundación, participaron (de esquerda a dereita):
Ana Fernández Vilas, presidenta Comité Organizador atlanTTic
Luís Pérez, Director Xeneral de Gradiant
Mónica Valderrama, Vicerreitora de Comunicación e Relacións Institucionais da Universidade de Vigo
Juan Díez, Responsable do Sector Estratéxico de Saúde, Alimentación e Investigación de INCIBE
Adrián Lence, Director de Infraestruturas e Seguridade de Axencia para a Modernización Tecnolóxica de Galicia (AMTEGA)
Martín Llamas, Director de atlanTTic
Lilian Adkinson, presidenta Comité Organizador Gradiant