- En total foron 19 as iniciativas moldeadas dentro do programa coworking Costa da Morte
A Escola de Vela de Cabana de Bergantiños acolleu este martes o Demoday, a presentación de varios proxectos formulados por diferentes persoas da comarca e que estiveron enmarcados dentro da cuarta edición do coworking da Costa da Morte, impulsado pola Consellería de Economía, Emprego e Industria, a través do Igape, e a Escola de Organización Industrial (EOI).
En total foron 19 as iniciativas que se defenderon, onde os novos empresarios optaron por ofertas produtos e servizos de diferentes ámbitos como o da comunicación, a sanidade, a enxeñería e a arquitectura, a hostalería e o turismo activo, o transporte, a gastronomía artesanal, a agroalimentación, a intervención social e a asistencia e conciliación familiar, laboral e persoal.
Nas catro convocatorias da aceleradora da Costa da Morte levan participado ata o momento máis de 92 emprendedores con 81 proxectos, dos cales 29 xa iniciaron a súa actividade empresarial. Estes proxectos levan asociados a creación ou mantemento de 43 empregos. A iniciativa forma parte da rede coworking creada pola Conselleira de Economía, Emprego e Industria, cofinanciada polo Fondo Social Europeo (FSE), para favorecer o desenvolvemento de plans empresariais e a creación de emprego sobre o territorio.