Axentes da Policía Nacional detiveron este martes arredor dunha ducia de persoas en Vilagarcía, Sanxenxo, Bueu, Vilanova e outras localidades da comarca do Salnés.
Ao longo da xornada producíronse numerosos rexistros en domicilios e en naves industriais en busca de probas.
Ademais destes arrestos en terra, a Policía detivo outras 12 persoas a bordo do barco.
Todos eles chegaron ao porto de Vigo este luns e permanecerán na comisaría da cidade ata que pasen nas vindeiras horas a disposición da Audiencia Nacional en Madrid.
Calcúlase que o pesqueiro Sophie traía a bordo unha tonelada e media de cocaína. Pero os axentes só puideron recuperar algo máis de 400 quilos porque a tripulación abriu varias vías de auga no barco para afundilo e eliminar as probas.