44
British Airways cancela 1.700 voos -case todos os que opera- pola folga dos seus pilotos deste luns e martes. Un paro sen precedentes, o primeiro que manteñen na historia da aerolínea, que afectará a 280.000 pasaxeiros. Os pilotos rexeitaron o pasado mes de xullo un aumento do 11,5% durante os próximos tres anos. O seu soldo medio é de 100.000 euros anuais. Esixen participar nos beneficios agora que corren bos tempos, di BALPA, o seu sindicato, «igual que aceptaron axustes durante os malos». BALPA destaca que a folga supoñerá un custo de 44 millóns de euros por día, mentres que atender as súas demandas representaría menos de seis millóns.