A Unión Europea anuncia un millón de euros de axuda «inicial» a Marrocos e Portugal espera unha petición formal de Rabat para enviar apoio ao reino alauita, que mantén que aínda ten que valorar os danos para saber o tipo de asistencia que necesita. Os equipos de rescate marroquís loitan contrarreloxo para buscar sobreviventes do terremoto que sacudiu o centro oeste do país o venres pola noite e a madrugada do sábado deixando xa 2862 mortos e 2562 feridos. Ademais da perda de vidas humanas, producíronse enormes danos materiais e destrución do patrimonio arquitectónico. A antiga cidade de Marrakech sufriu importantes danos nas vivendas e na súa antiga muralla. Hai máis de 60 anos que Marrocos non sofre un terremoto tan destrutivo. Este tamén vén acompañado de polémica, debido ao atraso do reino en aceptar axuda exterior.