300 participantes no II Encontro Mundial de Asociacións de Amigos do Camiño de Santiago

2 minutes read

O II Encontro Mundial de Asociacións de Amigos do camiño de Santiago está a ultimar todos os detalles para a cita que terá lugar no compostelán Monte do Gozo entre os días 19 e 22 deste mes de outubro. Contará cun total de 300 participantes.

O Roteiro Xacobeo ten adeptos en lugares de todo o mundo. A atracción que exerce o Camiño está fóra de toda dúbida e demóstrase ao comprobar que un total de 32 países de catro continentes estarán representados neste congreso. Entre as asociacións rexistradas, 136 en total, chaman a atención as que proceden de lugares tan afastados como Taiwan, China, Sudáfrica, Islandia, Xapón ou Filipinas.

Desde o outro lado do charco tamén chegarán amantes do Camino do Brasil, México, Arxentina, Canadá, Porto Rico ou Uruguai ademais de dúas asociacións que están a realizar un magnífico traballo nos Estados Unidos, un dos países nos que máis está a crecer o número de peregrinos.

Europa, como é lóxico, é o continente con máis representación. O Camiño de Santiago afiánzase aos poucos descubrindo mesmo novos roteiros que se dirixen á catedral compostelá. España será o país que achega máis participantes a este encontro mundial, que tamén terá presenza de Francia, Portugal, Italia, Bélxica, Países Baixos, Suíza, Alemaña, Reino Unido, Hungría, Eslovaquia, Romanía, Croacia, Bosnia Herzegovina, Letonia, Estonia, Lituania, Dinamarca ou Finlandia.

En canto á representación española, haberá membros de asociacións dun total de 30 provincias. Hai que apuntar a asistencia de congresistas desde Gran Canaria e Tenerife, que se suman a outros de León, Zamora, Burgos, Ávila, Valladolid, Palencia, Logroño, Pamplona, Huesca, Teruel, Asturias, Madrid, Cuenca, Biscaia, Guipuzcoa, Badaxoz, Barcelona, Alacante, Xaén, Sevilla, Huelva, Málaga, Selecta e Almería.

Ademais por parte galega acudirán as asociacións de amigos do Camino por Valdeorras, con sede no Barco; Camino Mozárabe-Vía da Prata, con sede en Ourense; Abrindo Camiño, con sede en Mondoñedo; Camiños de Santiago pola Ribeira Sacra, con sede en Monforte; Vía Küning, con sede en Lugo; Camiño Portugués por Ames e Teo, copn sede en Ames; Iacobus Tui, con sede en Tomiño; e Camiños de Santiago pola provincia de Lugo, con sede en Lugo.

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?