Convocados pola Asemblea Nacional de Cataluña e Ómnium Cultural, pretendían lograr unha gran demostración de forza. A Garda Urbana de Barcelona cifrou a participación en 350.000 persoas, claramente inferior á da Diada do mes de setembro. Ata 550 organizacións sociais, económicas, culturais e deportivas secundaron esta convocatoria nun manifesto que denuncia as consideradas como «inxustas condenas» de cárcere para os líderes independentistas.
Na tribuna houbo coincidencia en sinalar que o conflito catalán non se resolverá con xuíces e represión.»Faría ben o Estado español escoitando o clamor das rúas de Cataluña que esixen liberdade, porque esta situación non se resolverá mentres haxa persoas na prisión e no exilio», sinalou o presidente de Ómnium, Marcel Mauri. Durante o acto escoitáronse berros insistentes a prol da liberdade e tamén da unidade de acción do independentismo.