O Instituto de Saúde Carlos III (ISCIII), dependente do Ministerio de Sanidade, contabilizou 360 mortes atribuíbles ás altas temperaturas rexistradas nos seis primeiros días da onda de calor que afecta a España e que se corresponden co período que vai do 10 de xullo ao venres 15 de xullo. O último dato que recolle a estatística de Monitorización da mortalidade diaria por exceso de temperatura é o referido ao venres 15 de xullo, que é o pico máximo, con 123 decesos nun día. A nivel detallado, o primeiro día da onda de calor, o pasado domingo día 10, producíronse,15 mortes atribuíbles á temperatura. Desde entón, produciuse unha escalada continua, xa que ao seguinte día, o luns 11 rexistráronse 28 falecementos por exceso de temperatura. Este dato aumentou ata os 41 casos do martes 12 de xullo e ata os 60 falecidos o mércores 13. Este xoves producíronse 93 falecementos pola calor.
48