A Policía Nacional detivo a 37 persoas que explotaban sexualmente a dez mozas menores de idade, tuteladas pola Comunidad de Madrid. A operación comenz ó o pasado mes de abril, cando os axentes descubriron que unha menor fuxía con asiduidade do seu lugar de residencia. Durante as súas ausencias mantiña relacións sexuais con persoas maiores de idade a cambio de diñeiro ou substancias estupefacientes. Algunhas das súas compañeiras realizaban as mesmas fugas.
As vítimas eran captadas a través das redes sociais. Tras gañarse a súa confianza, utilizábanas para ofrecer servizos sexuais a clientes aos que fornecían drogas. A maioría dos 37 detidos son dominicanos. Un deles é o rapeiro dominicano Saymol Fyly, que conta con máis de 150.000 subscritores en Youtube. Están acusados de delitos de agresión sexual, prostitución de menores, posesión de pornografía infantil, detención ilegal e delitos contra a saúde pública.