O UD Paiosaco-Hierros e o Viveiro asinaron táboas, sen goles, este domingo na Porta Santa, cero partidos gañados de cinco é o valance que presenta a día de hoxe o equipo larachés. O equipo lugués tentou por momentos levar a iniciativa do xogo, pero tampouco foi capaz de abrir a lata local, quen con tres puntos en total, queda no posto 11 na xeral.
Algo mellor vanlle as cousas ao Fisterra que ten un punto máis e é noveno na táboa clasificatoria, cun partido gañado no que vai de campionato e un refacho de catro empates seguidos. Este domingo enfrontouse ao Silva, ningún dos equipos estivo afortunado de fronte ao gol e por tanto o tempo regulamentario finalizou co resultado de 0-0. Polo momento, o Silva queda con cinco puntos, en praza de acceso á seguinte fase do campionato e o Fisterra con catro puntos, en lugar de playoff de descenso de categoría. A próxima xornada xogará contra o CSD Arzua.
O Bergantiños tráese os tres puntos das Pontes
Traballada vitoria a conseguida este domingo polo Bergantiños FC en O Poboado ante As Pontes, e xa van tres encontros seguidos gañando. Con esta boa serie de resultados o equipo carballés xa é segundo na clasificación xeral, en posto de acceso ao playoff de ascenso a Segunda B. O único gol do encontro chegou no minuto 27 do primeiro tempo da bota de Duque. A próxima semana os de José Luis Lemos Ameneiro mediranse contra o Polvorín, en aras de que a racha continúe.
