A Garda Civil do Posto de Serra de Outes en colaboración co Equipo da Policía Xudicial da Garda Civil de Noia detivo a unha persoa, como presunta autora dun delito de simulación de delito. Os feitos ocorreron por mor da denuncia interposta polo agora detido.
Na mesma comunicaba que autor ou autores descoñecidos accederan ao interior da vivenda na que reside co seu pai, tras fracturar o cristal dunha xanela, violentando posteriormente o armario dunha das habitacións, subtraendo do seu interior un sobre que contiña 900 euros.
A Garda Civil iniciou unha investigación en aras de constatar a veracidade dos feitos, identificar o autor ou autores dos mesmos. Tras a análise da información solicitada a Garda Civil constatou a inexistencia do devandito roubo, sendo o denunciante o autor da subtracción do sobre que contiña os 900 euros, fracturando posteriormente o cristal da xanela e violentado o armario da habitación, para ocultar a devandita subtracción.
A Garda Civil procedeu á detención desta persoa como suposto autor dun delito de simulación de delito, poñéndoo, xunto coas actuacións realizadas ao dispor do Xulgado de Instrución número 1 de Muros.