A Concellería de Comercio, Mercados, Consumo e Barrios abriu o prazo para que os comercios de proximidade se inscriban na concurso de escaparatismo. Case terminado o curso de formación previo que tiña carácter optativo, a iniciativa diríxese de novo aos establecementos abertos ao público na cidade e que non formen parte de cadeas comerciais nin se atopen situados en centros comerciais para animalos a participaren nun certame en que se establece un límite de 100 prazas. Por esta razón, terán preferencia os corenta locais que recibiron as clases formativas. A temática é aberta e un xurado elixirá as dez mellores propostas, para as que se abrirá un período de votacións co fin de que a veciñanza escolla as 5 mellores, que se repartirán 6.500 euros en premios. Os negocios interesados poderán apuntarse até o 31 de maio na web www.escaparatescoruña.es.
17