O presidente ucraíno, Volodímir Zelenski, rexeitou recibir a visita en Kiev do seu homológo alemán, Frank-Walter Steinmeier, polos seus vínculos co gasoduto xermano-ruso Nord Stream, puntal da actual dependencia enerxética xermana de Moscova.
Steinmeier tiña o propósito de viaxar á capital ucraína xunto co presidente polaco, Andrzej Duda, segundo informacións do diario alemán «Bild». A idea partira de Duda, que quería sumar á misión aos presidentes dos países bálticos, e debía concretarse este martes, no transcurso da visita oficial do presidente alemán a Varsovia. O actual chanceler, o socialdemócrata Olaf Scholz, suspendeu a licenza para a posta en marcha do segundo gasoduto tras a invasión rusa de Ucraína, o pasado 24 de febreiro. Con todo, rexeita un embargo inmediato das importacións de gas de Rusia por mor da súa forte dependencia enerxética de Moscova.
25