10
A concellería de Mocidade de Sada programa para este mes de xullo diversas actividades orientadas á xuventude co obxectivo de que a veciñanza participe nas actividades saudables de lecer tendentes a adquirir habilidades persoais e aprendizaxe de novas capacidades. Na súa oferta se inclúen cursos de DJ ou de produción musical, que xa teñen aberto o periodo de inscrición gratuita. Terá lugar no local de actividades da Oficina da Xuventude (Praza da Peixaría s/n) do 4 ao 7 de xullo en horario de 11.30 a 13.00 horas. Os participantes deberán ter entre 16 e 30 anos, para que a actividade se realice terá que haber un mínimo de 6 inscricións e terán preferencia as persoas empadroadas en Sada.