41
A asociación Vieiro de Carballo dentro da súa programación no ámbito comunitario, leva a cabo o servizo “Vieiro responde” a través do cal informa e orienta sobre adiccións con ou sen substancia. Neste servizo, os/as novos e familias poderán realizar consultas de maneira completamente gratuíta, anónima e obter orientación sobre:
- Información veraz, confidencial e anónima sobre calquera consulta relacionada con problemas derivados do consumo de substancias legais ou ilegais, así como doutro tipo de adiccións comportamentales.
- Información e derivación a recursos especializados para a rehabilitación de condutas adictivas.
- Orientación e asesoramento en canto a habilidades, actitudes e estratexias psicoeducativas de actuación familiar para a prevención e o manexo de condutas de risco máis adecuadas para afrontar situacións problemáticas.
- Información a familias sobre pautas e estratexias de actuación ante sospeitas de inicio de consumos de drogas e outras condutas adictivas.
- Entrevistas con pais/nais e afectados/as para analizar persoalmente cada caso e buscar a solución máis adecuada atendendo á súa situación particular.
Para realizar calquera tipo consulta esta entidade dispón das seguintes canles de contacto:
- Acudindo ao servizo presencialmente
- A través de vía telefónica no número: 981756161
- Por medio do servizo de whatsapp: Vieiro en liña: 604075815
- Por medio do correo electrónico: vieiro@vieiro.org
- A través das redes sociais da entidade
A asociación Vieiro continúa levando a cabo o seu labor preventivo a través da programación que a entidade oferta a distintos ámbitos e colectivos: escolar, comunitaria, laboral, xuvenil, familiar, así como o Servizo xurídico ao toxicómano/a ou o Servizo de orientación a familias con fillos/as con conflitos.