Boris Johnson abandona a carreira polo liderado do Partido Conservador británico, e con iso por recuperar o posto de primeiro ministro. Informouse de que Johnson podería presentarse ás primarias tras a dimisión da súa predecesora, Liz Truss, quen apenas cumprira 45 días no cargo. Boris Johnson asegura contar co apoio de suficientes deputados para presentarse, pero que decidiu non facelo. Antes de coñecerse esta decisión, o o partido conservador británico xa tiña un favorito para facerse co liderado da formación. Trátase do exministro de Economía Rishi Sunak. que si anunciara a súa candidatura para dirixir aos tories e ser o próximo primeiro ministro do Reino Unido. Segundo medios de comunicación británicos, Sunak mantería conversacións durante a pasada noite con Boris Johnson. Foi el precisamente quen deu a estocada para que o ex primeiro ministro dimitise en xullo, cando aínda formaba parte do seu gabinete. Ambos non chegaron a ningún acordo para unha candidatura conxunta.
23