Ao igual que se vén facendo nos anos anteriores, a maior parte das actividades que compoñen o programa desenvolveranse nos diferentes centros de ensino do municipio co fin de loitar contra a violencia machista dende as idades máis temperás. O programa, deseñado pola Concellería de Muller, Xuventude e Igualdade. en coordinación co Centro de Información á Muller -CIM- do Concello de Zas, arrinca o xoves 24 de novembro co contacontos teatralizado “O ratiño presumido”, de Trinke Trinke Teatro. Haberá dúas funcións escolares; unha ás 10:25 horas no CPI de Zas e a outra ás 12:45 horas no CEIP Labarta Pose.
