O Organismo Internacional de Enerxía Atómica (OIEA) denunciou «fortes explosións», preto da central nuclear de Zaporiyia e considéraas «inaceptables». Algúns edificios, sistemas e equipamentos sufriron danos, pero non son críticos para a seguridade, sinala o OIEA. O seu director, Mariano Grossi, cualificou os bombardeos de «extremamente preocupantes», sen atribuír a responsabilidade a ningún bando.
O portavoz do Ministerio de Defensa de Rusia, Igor Konashenkov, dixo que _»Kiev continúa coas súas provocacións destinadas a crear un posible desastre tecnolóxico na central nuclear de Zaporiyia. Pola súa banda a compañía estatal ucraína que xestiona as plantas nucleares acusa a Moscova de estar detrás dos ataques, asegurando que houbo polo menos 12 impactos.