O principal obstáculo co que se enfronta a ampliación da parte ferroviaria da futura Intermodal compostelá é a cláusula que obriga a alcanzar 3,5 millóns de pasaxeiros anuais. Converténdose, por tanto, na principal demanda do recentemente elixido como alcalde compostelán, o señor Sánchez Bugallo, quen se puxo ao choio para conseguir a súa inmediata derrogación.
Para iso realizou varias reunións, a primeira o martes, 16 de xullo co Administrador de Infraestruturas Ferroviarias (ADIF), representado pola súa presidenta Isabel Pardo de Beira e varios técnicos deste organismo, onde obtivo unha esperanzadora non oposición e a segunda, o mércores 17 de xullo con Ethel Vázquez, Conselleira de Infraestruturas e Movilidade, conseguindo o apoio da Xunta á eliminación desta clausula, nun ambiente de boa sintonía entre ambos.
Sinalar que esta limitación é única en España, e sobre este “trato singular con Santiago” ironizaba o rexedor compostelán, pedindo equidade e xustiza para a súa realización, do mesmo xeito que outras obras do mesmo calado e importancia que se levaron e levarán a cabo no resto de España. Convén lembrar que para que se produza a derrogación desta clausula, necesítase o beneplácito da totalidade dos asinantes do acordo, Concello, Xunta, ADIF e o Ministerio de Fomento, por conseguinte, a pelota está agora no tellado do Ministro, pois os outros tres participes, están de acordo.
A Conselleira lembrou que a Xunta xa está a traballar no que lle corresponde. Investindo 16 millóns de euros na construción da Estación de autobuses, e a parte que lle toca da pasarela. Quedaría pendente a parte do Concello, deseñando os accesos así como a pasarela que unirá ambas as estacións e Ou Hórreo con Pontepedriña. Algo que, en palabras do Alcalde quedaría completado no verán do próximo ano 2020.
Destacar a necesidade de celeridade máxima posto que a formalización da retirada da clausula precisa tempo. Por conseguinte, xa hai un proxecto básico encima da mesa para gañar días ao calendario, e sobre o que se irá traballando cos seus matices e posibles variables futuras. Espérase, ademais, unha reunión técnica para finais de mes. A aceptación da existencia das obras en 2021, á que nun primeiro momento, mostrábase remiso o alcalde, débese, segundo as súas palabras a que “son tempos perigosos para paralizar proxectos”, máxime, tratándose de obras desta importancia e envergadura así como estratéxicas para a capital de Galicia. Apuntaba tamén á confianza que ten na experiencia de ADIF, para que as incidencias durante o Ano Santo 2021, para cos usuarios da futura Intermodal, sexan mínimas.