A carreira por albergar o próximo certame europeo chegou ao seu fin: Malmö será a sede de Eurovisión 2024. Será a terceira vez que a cidade sueca albergue a competición. A gran final terá lugar o sábado 11 de maio e as semifinais o martes 7 e o xoves 9.
Case unha decena de cidades de Suecia mostraron o seu interese en celebrar o festival de Eurovisión o próximo ano, pero só catro chegaron á recta final: Estocolmo, Gotemburgo, Örnsköldsvik e Malmö. Finalmente, foi esta última a elixida e a que terá a honra de albergar un dos eventos musicais máis importantes do mundo.
Malmö volverá celebrar o Festival de Eurovisión nas súas rúas. A última ocasión tivo lugar en 2013, tras a vitoria, precisamente, de Loreen con “Euphoria”, no Malmö Area. O primeiro festival celebrado na cidade anfitrioa foi en 1992, no Malmömässan, tras a vitoria de Carola con “Fångad av en stormvind”.