- O evento será este xoves 19 a partir das 18:00 horas na Biblioteca Municipal
A Biblioteca Municipal de Ponteceso acolle un novo espectáculo infantil musicado, un evento que está enmarcado dentro do programa Ler Conta Moito, promovido polo propio concello.
Caxoto Contacontos (Felipe Díaz), de A Trastenda dos Contos, protagonizará un “Conto para escoitar mentres bailamos un valse”, un espectáculo de teatro infantil musicado no que o artista fará gala da súa ampla destreza no manexo dos instrumentos musicais máis insólitos para presentarnos a un dos grandes directores de orquestra do mundo e a marabillosa historia de Sabela, unha das súas integrantes.
O exotismo do birimbao, a forza da pandeireta, a fascinación da frauta de nariz, a espiritualidade da gaita e moitos instrumentos máis daranse cita este xoves 19, a partir das 18:00 horas, na Biblioteca Municipal de Ponteceso.
