23
A última hora da tarde deste domingo rexistrouse un aparatoso accidente de tráfico na avenida de Alxeciras, á altura do número 3, en Neda, ao saírse da vía, por causas descoñecidas, un Seat León, que circulaba en dirección Fene, e chocar contra un Ford Focus que estaba aparcado. Ambos os vehículos sufriron danos de consideración e resultou ferido o condutor do Seat León. No lugar do suceso compareceron efectivos da Garda Civil de Tráfico, dos Bombeiros de Ferrol, do Grupo de Emerxencias Supramunicipal-GES de Mugardos e de Emerxencias Médicas de Galicia-061 cunha ambulancia medicalizada que trasladou ao condutor do vehículo ao hospital.