20
O alcalde de Ribeira, Manuel Ruiz Rivas, deu positivo en coronavirus na proba PCR realizada o pasado venres 25 de decembro. Súmase así a outros membros do PP como o conselleiro de Educación, Román Rodríguez, que se viu obrigado a illarse ao estar en contacto cun positivo, do mesmo xeito que a conselleira do Mar, Rosa Quintana, que permanece confinada tras infectarse hai uns días. O propio rexedor da localidade do Barbanza sinalou que ten síntomas lixeiros da enfermidade, polo que deberá ausentarse do seu posto mentres dure a corentena. A situación, que xa foi comunicada aos grupos presentes na corporación local, impedirá que Ruiz Rivas presida o pleno ordinario que se celebrará este luns.