A afección do Deportivo tomou este venres as rúas da Coruña para pedir xustiza no Caso Fuenlabrada. Partindo do estadio de Riazor, centenares de vehículos con seareiros herculinos percorreron a cidade. Xunto a eles estivo Fernando Vázquez, que desde que se deu a coñecer a iniciativa mostrouse a favor da mesma e non dubidou en poñerse á fronte: “Pido xustiza para o Dépor. A razón está con nós e creo que non hai outra. Somos de Segunda e seguiremos en Segunda este ano. Eu non pido o descenso de ninguén, pido que se faga xustiza co Deportivo porque consideramos que temos dereito, nada máis”. Antes mesmo de que a manifestación do deportivismo comezase, membros da Federación de Peñas e diversos voluntarios estiveron a repartir material aos asistentes. Bufandas, bandeiras e demais accesorios branquiazuis colorearon A Coruña, demostrando que a afección está unida nestes tempos de incerteza.
37