A Academia Galega de Seguridade Pública de Galicia (Agasp) acolleu unha nova edición do curso de manexo de armas regulamentarias en condicións de baixa luminosidade destinado a axentes de Policía Local. Deste xeito, case unha vintena de persoas participantes perfeccionou o seu adestramento cunha preparación específica co obxectivo de aprender a empregar a súa arma de fogo ante calquera circunstancia en condicións de seguridade e eficacia. Durante dúas xornadas, os axentes coñeceron como usar distintas lanternas, técnicas para empregar as armas contra diferentes obxectivos e distancias e tanto en espazos interiores coma exteriores. Tamén aprenderon novas tecnoloxías de iluminación con módulos compactos que se encaixan nas armas regulamentarias.
0