0
A parroquia carballesa de Bértoa acollerá este sábado 30 de setembro a segunda xuntanza da A.V. As Landras. As actividades darán comezo ás 11 da mañá, haberá Zumba e Pilates a cargo de Lorena Eiris, actuación musical de Brais Varela, e escola de regueifa con Lupe Blanco. A comida terá lugar ás 14:00 horas, un gran xantar popular a base de empanadas, embutidos, lacón, pulpo con cachelos e postre con larpeira. Tamén haberá sesión vermút, sorteos sorpresa e moita música a cargo de Begoña García. Para máis información pódese preguntar en calquera local de hostalaría de Bértoa.