O futbolista está acusado de violar unha moza no reservado dunha discoteca de Barcelona o pasado mes de decembro. Nun auto, a sección 21ª da Audiencia confirma o procesamento do ex internacional brasileiro, ao concluír que as declaracións da vítima e as testemuñas, así como as probas periciais, sustentan suficientes indicios para envialo a xuízo por un delito de agresión sexual. Con esta resolución, ábrese un prazo de cinco días para que a Fiscalía e a acusación particular exercida pola vítima presenten os seus escritos de cualificación, último trámite antes de fixar a data do xuízo.