Axentes da Unidade Central Operativa (UCO) da Garda Civil entraron á primeira hora deste mércores na sede nacional do PSOE, na rúa Ferraz de Madrid, para requirir información polos presuntos pagos irregulares do partido á exmilitante socialista Leire Díez vinculados a «suposta trama dirixida a desestabilizar os procedementos xudiciais que afectaban ao PSOE ou ao Gobierno». Ademais, o xuíz da Audiencia Nacional Santiago Pedraz imputou nesta causa ao exsecretario de Organización socialista Santos Cerdán, á propia Leire Díez, ao exvicepresidente da Junta de Andalucía Gaspar Zarrías, entre outros. A UCO pediu facturas ao PSOE desde o ano 2024 e requisáronse varios móbiles. A hipótese que manexan é que Santos Cerdán, en colaboración coa xerencia do partido, pagaría a Leire Díez os seus traballos como «fontaneira» con facturas falsas e simuladas.
0