Representantes da Consellería de Sanidade puxéronse en contacto este xoves co alcalde de Malpica, Eduardo Parga, para informarlle de que as últimas analíticas realizadas no depósito principal de Pedra Queimada, que abastece ao 70 % da poboación municipal, cumpren os parámetros establecidos para o seu consumo humano. De momento, nas restantes parroquias do municipio manténse a prohibición do seu consumo directo ou indirecto. O alcalde emitiu un Bando para dar coñecemento desta nova situación ás portas dos días grandes das Festas do Mar.
