A avoa de Santa Comba cumpre 107 anos: “Cando era unha nena houbo unha gripe moi mala”


María Josefa Espasandín Caamaño celebrou estes días os 107 anos de vida coa súa familia. Coñecida por moita xente como “Maripepa de Rieiro”, aínda que a ela lle gusta o seu nome completo, María Josefa, nacía un 10 de Maio de 1914, nun mundo ben diferente ao actual, en Rieiro-Arantón. Aos seus 107 anos, conserva unha saúde e actividade envexable, familiares e veciños seguen valorando as súas historias, consellos, experiencias, amizade e cariño. Maipepa lembra o que lle contaba súa nai, que cando era unha nena houbera unha gripe moi mala; aludindo á mal chamada “Gripe Española” que atemorizou a poboación mundial, española e galega alá polo 1918. Ademáis de superar dúas pandemias, a “Avoa de Santa Comba” lembraba a dura e aventureira vida da Guerra Civil, dos tempos da mina e outras experiencias vitais. Sabiduría de quen leva moito vivido, de quen aínda ten forzas e simpatía para contalo e de quen debe de ser un modelo de adaptación a épocas moi diversas. Fonte_Concello de Santa Comba.