Sobe a cifra de mortos polo ciclón Ciarán a polo menos 20 en Europa. En Portugal, foi achado un cuarto cadáver no veleiro que naufragou o venres debido á tormenta Ciarán, a uns 60 quilómetros ao norte de Lisboa. Polo menos tres delas son de nacionalidade danesa. Ademais dos catro falecidos en Portugal, deixou unha vítima en España, nove en Italia, tres en Francia, dous en Bélxica, un morto nos Países Baixos e un en Alemaña.
Ciarán deixou tamén danos millonarios en medio continente. En Córsega rexistráronse ventos sen precedentes de ata 140 km/h; a tormenta deixou un rastro de destrución con árbores caídas, colapsos nos ríos e rúas asolagadas. Os países balcánicos, como Bosnia, Croacia, Montenegro e Eslovenia, tamén se viron afectados, con árbores arrincadas e tellados esnaquizados.
Unha nova tormenta, chamada Domingos, azouta o suroeste de Europa desde este sábado pola tarde. Os países máis afectados, Francia, España e Portugal.