A Casa Galicia de Nova York, «Unity Gallega of U.S.», celebra o sábado 27 de setembro, a partir das 6:30 PM, unha festa por todo o alto con motivo do seu 85 aniversario.
Será unha noite inolvidable chea de música, tradición e ledicia, que contará coa animación da orquestra galega de Sanxenxo La Oca Band, comandada por Dani Dopazo, un deses músicos e á vez directores de formación que nunca deixa de dar a cara polo sector. Ademais, tamén actuarán os grupos de baile Mediano&Ballet e o grupo de gaitas Terra Nosa.
O evento comezará cun «cóctel hour», no comedor da primeira planta, para pasar posteriormente ao menú, composto de: xamón con melón, lagosta rechea, filet mignon, sobremesa, café e bebidas.
Prezos:
- Socios: $80 | Fillos de 6 a 15 anos – $40 | Fillos de 16 a 20 – $70.
- Invitados: $90 | Fillos de 6 a 15 anos – $50 | Fillos de 16 a 20 – $80.
Día final para pagar as reservas: 19 de setembro.
Contacto: (718) 932-1114 / info@casagaliciany.com.