A central térmica das Pontes retomará este luns a súa actividade temporal

Aínda que segue en marcha o seu proceso de peche, a solicitude correspondente por parte da compañía lanzouse na recta final do ano 2019 e espera pola confirmación definitiva da Administración.  Ata entón terá que estar dispoñible ante un posible repunte do consumo por inclemencias meteorolóxicas e nun contexto de suba do prezo da luz. Deste modo reiniciará a súa actividade de xeito temporal este próximo luns e por un período inicial que culminará o venres seguinte, segundo fontes próximas á empresa. A firma mantén almacenadas nas súas instalacións unhas 140.000 toneladas de carbón para a súa queima nos próximos días.