29
Os incendios forestais que afectaron a Ribas de Sil estabilizáronse e desactivouse a situación de nivel 2, que se habilitara pola proximidade do lume ás casas. Segundo trasladou Medio Rural, ambos os dous incendios forestais estabilizáronse sobre as 16.30 horas deste martes. A chegada da chuvia botou unha man contra as lapas que se propagaran con rapidez pola calor e cuxo control resultou complexo polo escarpado do terreo. En total nos dous incendios, a Xunta despregou máis de 150 efectivos por terra ademais de 50 motombas, 10 pas, 15 avións e 20 helicópteros. Ás tarefas de extinción sumáronse os medios enviados polo Goberno de España, entre eles, a UME, a Unidade Militar de Emerxencia.