0
As autoridades turcas deron conta ata agora de máis de 22.300 falecidos e preto de 80.300 feridos no seu territorio. En Siria non actualizan as cifras ao mesmo ritmo pero hai constancia de máis de 3.500 mortos e arredor de 5.300 feridos. A posibilidade de atopar superviventes redúcese cada minuto. Con todo, nas últimas 24 horas os equipos de rescate sacaron con vida de debaixo dos cascallos 67 persoas en Turquía. Un grupo de militares e outro de bombeiros españois lograron poñer a salvo dous nenos. O responsable de Asuntos Humanitarios da ONU desprazouse ao epicentro dos terremotos e dixo que era a peor catástrofe na rexión en cen anos. Nacións Unidas teme que a cifra final de mortos polos terremotos supere os 50.000.