Bruxelas vai utilizar «todos os medios ao seu alcance» para responder o desafío polaco. Reacciona así ao ditame do Tribunal Constitucional de Polonia que o xoves puxo en dúbida un dos principios fundamentais da Unión Europea: a primacía do dereito europeo sobre o nacional. Bruxelas está a sopesar a súa resposta, pero deixou claro que será firme. “Non quero adiantar cal será a decisión da Comisión, pero o que si é seguro é que reaccionaremos, por suposto», declarou Didier Reynders, comisario europeo de Xustiza. «Estamos a esperar unha decisión do Tribunal de Xustiza da Unión Europea sobre posibles sancións diarias.» Tamén explicou que tentou entrar en contacto co ministro de Xustiza polaco, pero sen éxito. «Aínda que isto non é algo novo», lamentouse.
34