- Este venres o Goberno aprobará o seu ascenso de coronel a xeneral das Forzas Armadas españolas
A coronel Patricia Ortega será ascendida a xeneral este venres despois de que a ministra de Defensa, Margarita Robles, presentase esta proposta de ascenso para a súa aprobación na reunión do Consello de Ministros desta semana.
Desta forma Ortega converterase na primeira muller xeneral de España, o que suscitou as críticas máis que positivas da vicepresidenta do goberno en funcións, Carmen Calvo, que asegurou que é «un primeiro paso moi importante para a profesionalidade e logro dela mesma e de maneira exemplificadora para todas as mulleres nos nosos exércitos e da Garda Civil».
A coronel atópase actualmente destinada no Instituto Nacional de Técnica Aeroespacial, e finalizou o curso de ascenso a xeneral o pasado mes de marzo. Este curso é imprescindible para lograr o ascenso, pero o normal é que só o consigan un de cada tres alumnos.
Actualmente nas Forzas Armadas hai 211 xenerais, todos eles homes, polo que a subida dunha muller a este rango é un claro avance cara a un mundo máis igualitario no ámbito militar. Ortega incorporouse ao Exército en 1988 xunto con outras 25 compañeiras, sendo a primeira promoción que admitiu a mulleres.