O Concello da Coruña ten aberto o prazo de inscrición nas actividades de Entroido previstas nos centros cívicos municipais, achegando o espírito festivo destas datas a todos os barrios.
Neste sentido, as pequenas e pequenos poderán gozar, ata o vindeiro mércores 22, dun amplo calendario de festas, xincanas e obradoiros creativos. As inscricións poderán tramitarse nos centros cívicos da Coruña, durante o horario habitual de apertura.
Este é o calendario completo das festas programadas nos centros cívicos:
- Día 17 de febreiro: CC’s dos Rosales, Cidade Vella, Palavea e San Diego.
- Día 18 de febreiro: CC’s dos Mallos, Eirís, Labañou e Monelos.
- Día 19 de febreiro: CC’s do Castrillón, Novoboandanza, Monte Alto e polideportivo municipal de Novo Mesoiro.
Todas as festas serán en horario de 17.00 a 20.00 horas, agás no centro cívico dos Mallos e o polideportivo municipal de Novo Mesoiro, onde terán lugar de 16.30 a 19.30 horas.
Obradoiros de máscaras de peliqueiro e xincanas con temática circense
Ademais, os centros cívicos ofrecerán actividades especiais de Entroido para nenas e nenos de 4 a 16 anos, con obradoiros creativos de máscara de peliqueiro e xincanas con temática circense. As datas, horarios e localizacións son as seguintes:
Obradoiro de máscaras de peliqueiro
- Sábado 18 de febreiro (11.30 a 13.00 horas): Visma, Sagrada Familia, Feáns, Santa Margarida e Elviña.
- Luns 20 de febreiro (11.30 a 13.00 horas): Santa Lucía, Pescadores, A Silva e Artesáns.
Xincanas con temática circense
- Sábado 18 de febreiro: Santa Lucía, Pescadores e A Silva.
- Luns 20 de febreiro: Visma, Sagrada Familia, Feáns, Santa Margarida e Elviña.
- Mércores 22 de febreiro: Artesáns.
Os horarios desta actividade serán sempre de 11.30 a 13.00 horas, agás no centro cívico de San Pedro de Visma, onde terán lugar de 17.00 a 18.30 horas.