A Coruña Convention Bureau celebrou unha xornada de encontro para crear sinerxias entre os profesionais do turismo de importantes compañías que visitan estes días a cidade e empresas da Coruña. O acto contou coa intervención do xerente de Turismo, Moisés Jorge Naranjo, e o vicepresidente da Deputación da Coruña, Xosé Regueira.
Esta xornada celebrada en Palexco supoñerá un lugar de encontro para todos nun espazo privilexiado», sinalou o presidente da Coruña Convention Bureau, José Blanco.
«Mellorar a conectividade co eixo Porto-Lisboa permitiría abrir un abano enorme de posibilidades turísticas e de negocio» afimou o vicepresidente da Deputación, Xosé Regueira, citando que a cidade se atopa «a 40 minutos de Ferrol, que neste momento opta a ser Patrimonio da Humanidade, ou a 50 minutos de Compostela que, ademais de ser Patrimonio da Humanidade, é unha das cidades máis visitadas do país».
No encontro, participaron operadores procedentes de todo o Estado así como representantes do sector hoteleiro da cidade e representantes sectoriais como a Cámara de Comercio, a Confederación de Empresarios ou a Autoridade Portuaria.