A presidenta da Comisión Europea, Ursula Von der Leyen, explicou hai unhas semanas ao diario New York Times que intercambiara mensaxes de texto co director executivo de Pfizer, Albert Bourla, sobre a compra de vacinas contra a COVID-19. Outra xornalista pediu ver as mensaxes da presidenta, pero a Comisión Europea non llos facilitou. Agora, a defensora do pobo pediu á Comisión Europea que busque as mensaxes de forma máis exhaustiva. A investigación da Defensora do Pobo revelou que a Comisión non pediu ao gabinete da presidenta que buscase as mensaxes de texto. A eurodeputada neerlandesa de Renovar Europa Sophie In ‘ t Veld di que a posición da Comisión non se corresponde co espiritu de transparencia que defende. O portavoz de Von der Leyen di que responderán ao seu debido tempo, antes de que finalice abril.
38