O Plan de Conservación de Vías Provinciais vén de ser aprobado na Comisión de Vías e Obras e será ratificado polo pleno provincial do vindeiro día 26.
«O programa contempla a execución de traballos de mantemento, reparación do firme e pavimentación nos máis de 2.100 quilómetros de estradas cos que conta a rede viaria da Deputación. Todas estas actuacións están destinadas a mellorar as condicións de circulación, aumentar a seguridade viaria e reducir a sinistralidade nas estradas da provincia», explicou o deputado titular da área de Vías Provinciais, José Manuel Pequeño.
Os programas de Conservación e de rozas das estradas provinciais suman un investimento duns 4.000 euros anuais por quilómetro, «un dos máis elevados dos que realizan as administracións públicas en conservación de estradas», apunta Pequeño.
Estas serán algunhas das inversións en varios concellos da Costa da Morte
| GRUPO 17 CARBALLO,CERCEDA E A LARACHA | 390.293,62 € |
| GRUPO 18 CABANA,MALPICA E PONTECESO | 351.500,95 € |
| GRUPO 19 CAMARIÑAS, LAXE, MUXÍA E VIMIANZO | 154.949,50 € |
| GRUPO 20 CEE, CORCUBIÓN, DUMBRÍA E MAZARICOS | 161.523,20 € |
| GRUPO 34 DP 1914 CARBALLO A PORTOMOURO | 139.659,62 € |
| GRUPO 35 CORISTANCO, SANTA COMBA E ZAS | 205.761,67 € |
| GRUPO 36 DP 3404 A SERRA DE OUTES A DUMBRÍA | 101.438,29 € |