26
O deputado Antonio Leira destacou que a presenza coruñesa neste festival é froito das accións de promoción levadas a cabo pola Deputación nos últimos anos en territorio británico e manifestou a súa satisfacción «porque en Inglaterra cada vez hai un maior coñecemento e un maior interese por este destino».
O alcalde da cidade, David Stevens, e a responsable de Cultura e Patrimonio, Karen Rowland, foron algunhas das autoridades que visitaron o stand, confirmando o seu apoio ao proxecto de colaboración para revitalizar a conexión xacobea entre Reading e a provincia da Coruña no que levan meses traballando conxuntamente.