36
Este Foro terá un destacado papel no asesoramento ao goberno provincial no deseño de plans estratéxicos en eidos chave para o futuro da provincia coma o emprego, o desenvolvemento industrial, a loita contra a covid-19 ou os fondos europeos de recuperación. O presidente do ente provincial, Valentín González Formoso, presidiu no Pazo de Mariñán o acto de constitución deste ente consultivo. Ademais contou coa presenza dos reitores das universidades da Coruña e Santiago, Julio Abalde e Antonio López, o presidente da Confederación de Empresarios da Coruña (CEC), Antonio Fontenla, e os secretarios xerais comarcais da Unión Xeral de Traballadores (UGT), Ángel Iglesias, e Comisións Obreiras (CC.OO.), Cristóbal González, entre outros.