A chamada «diplomacia das mascarillas» puxo de novo o foco nas relacións entre China e a Unión Europea. O envío de material médico foi interpretado como unha sutil forma de propaganda para manter vivos os lazos comerciais en plena carreira comercial polo 5 G. Pero tamén creou tensións entre algúns Estados membros. En Italia chegouse a dicir que China foi máis xenerosa que a Unión Europea. A Comisión saíu ao paso destas acusacións. «Lembremos que China solicitou axuda a Europa e que respondemos enviando máis de 50 toneladas de equipamento por valor de 100 millóns de euros. Agora que Europa se converteu no epicentro, China nos esta axudando», explicou Thierry Breton, comisario europeo para o Mercado Interior. «E tamén hai que sinalar que Francia e Alemaña proporcionaron máis máscarillas a Italia que China. A solidariedade europea está moi presente». Outro foco de tensión xurdiu en torno á orixe do brote, teoricamente localizado nun mercado chinés. Un grupo de eurodeputados pediu máis rigor e máis controis, en vista do acordo de investimento que a Unión Europa e China teñen previsto asinar antes de que finalice o ano.
42