23
A Axencia Europea do Medicamento comezou unha revisión continua da vacina chinesa Sinovac contra o coronavirus. Abre así o camiño para unha posible solicitude de autorización por parte da Unión Europea. Segundo a EMA, a súa decisión baséase nos resultados preliminares de estudos de laboratorio e clínicos, que indican que desencadea a produción de anticorpos contra a COVID-19. A súa eficacia varía entre o 50 e o 82% segundo a análise. A EMA afirma que avaliará os datos a medida que vaian estando dispoñibles para decidir «se os beneficios superan os riscos» deste fármaco, e a revisión continua «seguirá ata que se dispoña de suficientes evidencias» para que a farmacéutica poida solicitar formalmente unha autorización de comercialización.