- A intervención desenvolverase o día 2 de marzo a partir das 09:3 horas
A empresa pontecesá Glaücor Ingeniería, situada no parque empresarial de Tella, participará como relatora no webinar Casos de éxito no desenvolvemento de ferramentas para a dixitalización do sector lácteo do Clúster Alimentario de Galicia (Clusaga) que terá lugar o día 2 de marzo a partir das 09:30 horas. Unha intervención que valoran moi positivamente desde o Concello pontecesán e pola que o seu rexedor, o socialista Lois García Carballido, felicitou á compañía e animou a todos os emprendedores do municipio a seguir loitando e innovando.
Esta actividade prodúcese dentro do proxecto ML4Milk Desenvolvemento e validación de técnicas de procesado masivo de datos para a optimización do rendemento de procesos produtivos e da calidade do produto final no sector lácteo e a súa cadea de valor, coordinado por Clusaga e financiado a través do programa de Agrupacións Empresariais Innovadoras do Ministerio de Industria, Comercio e Turismo.