Unha vez que a lexislación estea en vigor, mellorará a reutilización, recollida e reciclaxe de envases e moitos envases dun só uso deixarán de utilizarse. Segundo o presidente da comisión de Medio Ambiente do Parlamento Europeo, Pascal Canfin, a lei cambiará a mentalidade das industrias de envases e podería reducir entre un 20% e un 30% os 80.000 millóns de toneladas de residuos de envases que se producen cada ano en Europa. A lexislación, que aínda debe ser negociada cos países, prohibiría os envases innecesarios e forzaría ás industrias para reciclar as embalaxes que producen de aquí a 2030. Ademais, para 2035 todos os envases deberán reciclarse en Europa. A UE tamén fixaría cotas obrigatorias de reutilización dos distintos envases, incluídas as botellas de bebidas.
39